將分手掛口邊？用單字Hea應？情侶吵架時絕不能說出口的一句話！

正所謂：「嘢可以亂食，說話唔可以亂講。」情侶相處時，謹記不能隨意將一些傷害性的話說出口，不然會破壞關係，帶來不愉快戀愛經歷。

《開罐Opener》記者日前訪問20多位受訪者，問及他們認為會破壞感情的一句說話，並歸納成5種致命說話類型，分別為「成日分手類」、「侮辱比較類」、「單字Hea答類」、「嫌你多餘類」及「沉默冷戰類」，並在最後問及他們如何避免爭吵，一起看看他們的想法！

【1】 成日分手類

有些人總喜歡把分手掛在口邊，
只要對方稍一令自己不滿意，
就會提出分手，
但這句卻會令另一伴受到極大傷害。
大部受訪者均認為破壞感情的一句話是提及分手，
Potter說：「成日話分手分手」
Gabriel直指：「分手囉，提起分手，就算發悔氣咁講，都一定係最hurt」
分手兩個字的殺傷力好比原子彈，
它會立即摧毀一段關係，
令一對情侶瞬間成為陌路人。
儘管把分手當玩笑，
但大多受訪者都不能接受。

【2】 侮辱比較類

不少受訪者認為說出令對方受辱的話，
也會瞬即破壞關係。
Kanas笑指男朋友Jason經常對她說：「傻西，傻西瓜。」
她對此感到受傷：「緊係hurt啦，侮辱我喎。」
Iris表示男友Max有時在生氣時會對她說：「你又做咩L嘢。」
這令她感到受傷。
除了粗口，提及前度並用作比較，
也會令關係變差。
Dan無奈指：「佢成日都會同我講起前男友啲嘢，
啫係呢間餐廳我之前男朋友同過我嚟食。」
隨意將前度與自己比較，
感覺像羞辱對方，
不利關係發展。

其他街訪：6個拍拖會講過的大話 你又有沒有講過？

【3】 單字Hea答類

「嗯」、「哦」、「呃」
這些單字都會破壞一段關係。
受訪者鄭生表示：「嗯，咁樣囉」
Solomon說：「單字，嗯啊個啲」
單字讓人感到不被尊重，
特別是當對方向你訴說認真話題時，
單字回覆予人不專注的感覺。
鄭生續指：「唔好再嗯嗯嗯、哦哦哦、呃呃呃，要尊重對方」

【4】 嫌你多餘類

漠視對方關心，
令對方受冷落的說話也是不利關係發展。
Iris說：「你真係好煩呀」
Wilson表示：「聽左句呢啲是但呀，求其呀！好似俾人丟屎彈咁！」
Max無奈指：「是但啦，是但啦；隨便啦，個啲啦」
Chico直指：「你唔洗對我太好」
這些說話隱約帶出敷衍之意，
正如Angela所說：「感覺上佢好似唔想理你咁，之後就會覺得個feel想散。」

【5】 沉默冷戰類

相比上述說話，
大多數受訪者認為感情致命點莫過於是冷戰，
Ben表示：「我覺得冷戰係會大鑊過講啲hurt嘢」
原因是當大家保持沉默，
不願意透露心中想法時，
彼此會因為隔閡導致感情破裂。
Iris直言：「你唔想去嘈，你連嗌交既心都無。」
Jason表示：「有啲野唔講係解決唔到，
有時要雙方講出感受，
再磨合再搵方法解決。」
冷靜最終結果正如受訪者Iris所說：
「冷戰，無一個低頭通常就分手。」

不想在吵架時因說錯話引發分手危機，受訪者提供避免爭吵建議：

【1】 修飾說話

阿wing說：「我唔會好直接講啲好hurt佢既說話，
我會修飾下。」
用巧妙語言藝術應對吵架。

【2】 一方應低威

Kanas笑言：「只要男朋友肯認低威件事就好容易解決。

【3】控制情緒後再講

Danny表示：「沉住氣，保持兩秒距離」
Dan認為：「野可以亂食，說話唔可以亂講。
所以大家要停一停、諗一諗，諗清楚先好講。」

其他街訪：【母親節】細個一定會對媽媽講過的大話 冒簽 拍拖 還有什麼？

貪一時口爽，
隨意用說話傷害對方，
最終會在對方心中留下難以磨滅的烙印，
正如受訪者心心所言：「你個下貪口爽，
你情緒舒發出嚟，
但對方可能記好耐。
好似揸皺既紙，
你無得將佢熨返平。」

生氣時要冷靜，
不要衝口而出說出上述的話，
這樣感情才會持久。