Luis y José, dos mozos de Piloña de 26 y 22 años, apostaron pol campu como mediu de vida. Va tres años entamaron a semar faba en Valles y agora yá producen unos 300 kilos inxertos na IXP Faba asturiana.
Les sos families nun son del sector, pero vieron una oportunidá y decidieron apostar por ella. Dende la primer collecha formen parte de la IXP, y enagora combinen l’agricultura con trabayos puntuales que-yos dexen vivir.
Dambos esperen una subvención p’agricultores mozos y busquen pela zona tierres de cultivu que-yos dexen semar cuatro hectárees de faba, combinando con frutales y hortalexa.
Son, probablemente, los emprendedores agrícoles más mozos de la rexón, un exemplu de que l'ansiáu relevu xeneracional del sector ye posible.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL