Sector agroalimentariu demanda profesionales y nuevos perfiles

Siete de cada 10 persones formaes n’Asincar alcontrarán trabayu

Nun mes más de 40 persones saldrán con un certificáu de profesionalidá del centru tecnolóxicu d’Asincar en Noreña, y siete de cada 10 alcontrarán trabayu.

Unu de los cursos que s’ufierta ye la técnica pa preparar conserves, unu de los perfiles que demanden les empreses agroalimentaries de la rexón. Un sector que xenera’l 10% de la riqueza d’Asturies, tanto como’l turismu.

Les nueves tendencies en consumu p’alimentos con menos sal y zucre, y la medría de la esportación necesiten de perfiles hasta agora inéditos, sobre manera n’empreses pequeñes.

Dempués de les obres d’ampliación, Asincar abordará la dixitalización de les sos sales porque la llamada industria 4.0, la de les últimes tecnoloxíes, tamién ta no que comemos.