Cuatro niales d'aviespa asiática desanicien los truébanos d'un apicultor de Meré

De los cinco truébanos qu'allugó, namás-y queden les abeyes d'unu

L'aviespa asiática convirtióse nun verdaderu problema pa los productores de miel del valle d'Ardisana.

Un vecín de Meré contabilizó, polo menos, cuatro niales de velutina nun radiu d'unos 500 metros alredor de la so pequeña esplotación apícola.

Antonio tien una producción pa consumu familiar. Hai más d'un añu toles abeyes autóctones de los sos tres truébanos desaparecieron, na so opinión, pola voracidad del avispón. Esta pasada seronda asocedió lo mesmo con unu de los dos truébanos qu'allugó pa esta temporada.

La contorna del oriente d'Asturies ye xunto a la del occidente asturianu una de les más afectaes de la rexón pola proliferación d'esta especie depredadora.